Styringsgruppa for eit samordningsprosjekt mellom tre destinasjonsselskap ønskjer samanslåing av selskapa.
Ordførar i Selje, Ottar Nygård, er glad for å sjå Reisemål Stryn og Nordfjord (RSN) i ein større samanheng saman med Reisemål Geirangerfjord-Trollstigen (DGT) og Destinasjon Ålesund og Sunnmøre (DÅS).
– Dette er ei gladmelding i ei sak det har vore jobba med over litt tid. Nordfjordrådet har stått samla bak ei slik organisering og meiner det vil styrke satsinga innan reiseliv i vårt distrikt i framtida, seier han.
Som ordførar i Selje kommune trur han også dette vil vere det beste for kommunen.
– Det er ein gledas dag!
Ny dagleg leiar blir Geir Steinar Vik som leier det største selskapet, DÅS, i dag.
Vertskommune for det fusjonerte selskapet blir Ålesund med satellittkontor i DGT og RSN.
Det nye selskapet blir blant dei største på Vestlandet, og ønskjer å markere seg som ein reiselivsmotor i Fjord-Norge.
Innstillinga frå styringsgruppa går no til handsaming i styra for dei enkelte destinasjonane før ei ekstraordinær generalforsamling.
Målet er å ha det fusjonerte selskapt i drift frå 1. mars 2015.