Navn: Ole Bosnes
Alder: 67 år
Sivilstatus: gift
Bustad: Reset, Selje
Yrke: pensjonist
– Kva er du mest oppteken av?
– Familielivet, og å følgje opp born og barnebarn. Det gjer livet mitt meiningsfullt, og det er moro.
– Kva gjer du på fritida?
– Eg steller hus og hage, besøker slekt og vener og føl med i den aktuelle politiske debatten både lokalt og i den store verda.
– Kven beundrar du?
– Vel, eg har i alle fall stor respekt for mange. Ei av dei er svigermor Bjørg i Berle. Ho er ein svigersons draum.
– Kva er det beste med heimstaden din?
– Naturen her vest ved havet, sjølvsagt. Og ikkje minst bygdefolket. Det er alltid kjekt å prate med dei du treff på.
– Kva står på di førsteside av Fjordenes Tidende?
– Nytt symjebasseng og fleirbrukshall opna i Selje.
– Kva ville du ha gjort om du var ordfører for ein dag?
– Arrangert konsert og kakefest for frivilligheita i Selje kommune. Bygdene sine eldsjeler og deira medhjelparar fortener kommunen si merksemd. Det er dei som er dei viktige bidragsytarane til det gode liv i bygdene våre.
– Kva kulturoppleving hugsar du best?
– Tusenårsjubileet i 1996.
– Kva har du på nattbordet?
– Vekkjarklokka og vassglaset.
– Kva nettstadar er du innom i løpet av ein dag?
– Fjt.no, vg.no, adressa.no og dagsavisen.no.
– Kva er meininga med livet?
– Å vere glad og lukkeleg, ha det godt med seg sjølv og dei du har rundt deg.