Håper hotellet i Selje vert bygd opp att

Namn: David Bøstrad

Alder: 22 år

Bustad: Selje

Sivilstand: singel

Yrke: Sesongarbeider ved Pelagia Selje.

– Kva er du mest oppteken av?

– At hotellet i Selje vert bygd opp att. Vi treng hotellet både for turisme og det er ein samlingspunkt for folk i Selje og bygdene rundt.

– Kva gjer du på fritida?

– Då er eg saman med vener. Skulle gjerne ha ridd på hest, men små moglegheiter for å gjere det i Selje.

– Kven beundrar du?

– Beundrar Fredrik Åsebø, fordi han er flink, og har gjort at drifting har blitt større i Norge.

– Kva er det beste med heimstaden din?

– Det beste med Selje er Seljesanden, havet og naturen generelt. Det er roleg og fredelig her, og mange kjekke folk.

– Kva hadde stått på di førsteside av Fjordenes Tidende?

– Nytt flott hotell i Selje klart for innviing i 2019.

– Kva hadde du gjort om du var ordførar for ein dag?

– Ville ha satsa på fritidsaktivitetar for ungdom.

– Kva kulturoppleving hugsar du best?

– Då det var Sunnivaspel på Seljeøya.

– Kva har du på nattbordet?

– Playstation.

– Kva nettstadar er du innom i løpet av ein dag?

– Fjt.no, yr.no, Sildelaget, Facebook og NRK Sogn og Fjordane.

– Kva er meininga med livet?

– Å gjere gode ting for andre. Det er også viktig med fast jobb og fast inntekt for å kunne ha det godt, og så ha det moro saman med vener inni mellom.