Namn: Torstein Drage Sørdal
Alder: 23 år
Sivilstand: Singel
Yrke: Kadett i Bourbon Offshore Norway
Bustad: Heime med mor i Syvde
– Kva er du mest oppteken av?
– For meg er det viktig at vi jobbar for å behalde dei norske arbeidsplassane til sjøs.
– Kva gjer du på fritida?
– Når eg er heime frå sjøen, så brukar eg mykje av fritida mi på bil. Når eg ikkje held på med bil, så er eg ute saman med vener.
– Kven beundrar du?
– Eg har ingen som eg "beundrar", men eg har stor respekt for besteforeldra mine.
– Kva er det beste med heimstaden din?
– Det som gjer at Syvde er den beste bygda, må vere det gode miljøet og dei flotte fjella.
– Kva hadde stått på di framside av Fjordenes Tidende?
– FØRSTE SKIP GJENNOM STAD SKIPSTUNNEL!
– Kva ville du ha gjort om du var ordførar for ein dag?
– Starta bygging av Rovdefjordbrua med ein gang. Punktum.
– Kva kulturoppleving hugsar du best?
– Den beste kulturopplevinga som eg har i minne, må vere Gatebil på Rudskogen.– Kva har du på nattbordet?
– På nattbordet mitt, så har eg følgande: Lampe, mobil, nasefløyte, TV-kontroll og lommelykt.
– Kva nettstadar er du innom i løpet av ein dag?
– I løpet av ein dag er eg innom VG, smp, fjt, Petro og finn.no.
– Kva er meininga med livet?
– Meininga med livet er å kose seg så mykje som råd.