Namn: Oddgeir Sande
Alder: 53 år
Sivilstand: gift
Yrke: dagleg leiar Aktiv Jobb Bremanger kommune
Bustad: Svelgen
– Kva er du mest oppteken av?
– Er oppteken av familien min, vener og arbeidet mitt. At dei rundt meg har det best mogleg er viktig. Har dei det bra, så har eg det bra.
– Kva gjer du på fritida?
– Har ein god ven i Måløy som eg har hatt mange fjellturar med, så turar i fjellet er hobby nummer ein! Elles så er eg også med i revylaget Svelgen Nord og Med. Det er artig. I Svelgen er det mange organisasjonar ein kan delta i.
– Kven beundrar du?
– Eg beundrar kona mi, dei to døtrene mine og elles dei som er med på å gjere livet triveleg å leve.
– Kva er det beste med heimstaden din?
– Her er lite butikkar og mykje flott natur.
– Kva hadde stått på di framside av Fjordenes Tidende?
– På mi framside av Fjordenes Tidende skulle det stått at ein mann på 53 år frå Svelgen vann tidenes største lottogevinst.
– Kva ville du ha gjort om du var ordførar for ein dag?
– Om eg var ordførar for ein dag hadde eg teke avspasering den dagen.
– Kva kulturoppleving hugsar du best?
– Eg synest Tall Ships Races var storslått då det var i Måløy.
– Kva har du på nattbordet?
– På nattbordet mitt har eg ei lampe, eit nettbrett, eit par lesebriller, vekkeur og mobilen.
– Kva nettstadar er du innom i løpet av ein dag?
– Er innom og sjekkar nyheiter, Facebook og Finn.no.
– Kva er meininga med livet?
– Meininga med livet er å gjere andre glade, og det å kunne hjelpe familie og vener når det trengst. Og å gå på tur, hehe.