Namn: Håvard Grotle Røys
Alder: 18 år
Sivilstand: singel
Yrke: tømrer
Bustad: Kalvåg
– Kva gjer du på fritida?
– Eg spelar gitar og syng, spelar biljard, og er med vener. Og så spelar eg trommer i Kalvåg skulemusikk.
– Kven beundrar du?
– Eg beundrar alle som står på for å gjere noko positivt for lokalsamfunnet vårt i Kalvåg.
– Kva er det beste med heimstaden din?
– Det beste må vere den fantastiske naturen vi har rundt oss, og folka i bygda som sprer glede.
– Kva hadde stått på di framside av Fjordenes Tidende?
– Håvard frå Kalvåg vann Idol 2020.
– Kva ville du ha gjort om du var ordførar for ein dag?
– Tatt initiativ til å få bedre vegar og kommunikasjon i kommunen, og invitert kongen og dronninga til Kalvåg. Her har dei aldri vore før.
– Kva kulturoppleving hugsar du best?
– Konserten eg var på med Ole Edvard Antonsen og Didrik Solli Tangen.
– Kva har du på nattbordet?
– Vekkerklokka og mobilen min.
– Kva nettstadar er du innom i løpet av ein dag?
– YouTube, Facebook, vg, fjt, firdaposten og NRK sogn og fjordane.
– Kva er meininga med livet?
– Meininga med livet er å ta vare på alle rundt seg og vere saman med dei som ein er glad i.