Namn: Tore Kroken Karlsen
Alder: 35 år
Sivilstand: singel
Yrke: jobbar ved Harpefossen skisenter
Bustad: Nordfjordeid
– Kva er du mest oppteken av?
– Eg er oppteken av ting som skjer på Eid, som Malakoff og Harpefossen. Det er viktig at det vert skapt aktivitet i bygda og som gjer Eid attraktivt.
– Kva gjer du på fritida?
– Kva fritid? Nei, er med vener og familie.
– Kven beundrar du?
– Ho mor, og alt ho gjer for heile familien.
– Kva er det beste med heimstaden din?
– Det beste med Eid er at vi har mykje å by på, uansett om du er ung eller gamal, og dette gjeld heile året i gjennom. Eid har mange kreative sjeler som gjer det til ein kjekk stad å bu.
– Kva står på di førsteside av Fjordenes Tidende?
– Harpefossen skisenter blir eit interkommunalt anlegg.
– Kva hadde du gjort om du var ordførar for ein dag?
– Eg hadde sendt ein diger sjekk til frivillig arbeid i Eid, som Harpefossen skipatrulje.
– Kva kulturoppleving hugsar du best?
– Malakoff rockfestival 2014 med Biffy var heilt magisk. Ser fram til sommaren når dei står på scena i Eid på ny.
– Kva har du på nattbordet?
– Det vil du ikkje vite. Hehe.
– Kva nettstadar er du innom i løpet av ein dag?
– Yr, Harpefossen, nrksfj og fjt.
– Kva er meininga med livet?
– Meininga med livet må no vere positive tankar.