Navn: Jannike Våge
Alder: 26
Sivilstand: singel
Yrke: 3D-designer
Bustad: Deknepollen
– Kva er du mest oppteken av?
– Er nok mest oppteken av familie, venner, jobb og hunden min Akita.
– Kva gjer du på fritida?
– Fritida brukar eg mykje på å vere sosial, fjellturar og nye opplevingar og dersom moglegheita byr seg.
– Kven beundrar du?
– Eg beundrar menneske med gjennomføringsevne, som tør å stå opp for det dei meiner, gå sine eigne vegar og følge eigne draumar.
– Kva er det beste med heimstaden din?
– Det må vere den flotte naturen vi har her.
– Kva hadde stått på di framside av Fjordenes Tidende?
– Byggeprosjektet på sentrumstomta er i gang.
– Kva ville du ha gjort om du var ordførar for ein dag?
– Det kunne vore veldig interessant, men det er nok betre kandidatar til det enn meg.
– Kva kulturoppleving hugsar du best?
– Å sjå Cecilia Brækhus bokse live i Bergen står høgt på lista.
– Kva har du på nattbordet?
– Lys og mobiltelefon.
– Kva nettsider er du innom i løpet av ein dag?
– FJT, VG, DB, Facebook med meir.
– Kva er meininga med livet?
– Meininga med livet kan vere mykje. Å samle på opplevingar, og å prøve å passe på folk rundt enn har det bra og kjem til å ha det bra. Ein stor faktor er jo også å nyte livet så godt som mogleg, samtidig som vi kjenner på at vi skal ha det bra og.