Namn: Erlend Halse Nystøyl
Alder: 20 år
Sivilstatus: singel
Yrke: linefiskar
Bustad: Åheim
– Kva er du mest oppteken av?
– Akkurat no er det at fiskeriet held seg oppe, på grunn av må tene pengar til å gå på skule.
– Kva gjer du på fritida?
– På fritida går det veldig mykje i bil og jakt, men er også tid til venner og familie.
– Kven beundrar du?
– Vanskeleg å seie kven eg ser mest opp til, men familien stiller høgt på grunn av at dei stiller opp for meg når eg treng det.
– Kva er det beste med heimstaden din?
– Det beste med Åheim må vere at det bur mykje kjekke folk der.
– Kva hadde stått på di framside av Fjordenes Tidende?
– Det måtte vere at Stad skipstunnel er ferdig.
– Kva ville du gjort om du var ordførar for ein dag?
– Vanskeleg å seie kva eg ville gjort om eg var ordførar for ein dag, sidan eg trur eg ikkje er brukande som politikar.
– Kva kulturoppleving hugsar du best?
– Romjulsdansen i Syvde i fjor.
– Kva har du på nattbordet?
– Akkurat no har eg ingenting på nattbordet, på grunn av alt slingra ned av nattbordet førre helg.
– Kva nettstader er du innom i løpet av ein dag?
– Facebook, Snapchat og VG.
– Kva er meininga med livet?
– Meininga med livet må vere å ha det bra.