Namn: Marthe Hamre Owesen
Alder: 26 år
Sivilstatus: singel
Yrke: forsikringsrådgjevar
Bustad: Trondheim
– Kva er du mest oppteken av?
– Eg synest det er viktig å vere fordomsfri og ta vare på dei som ikkje har det så godt. Spesielt flyktningar, og dei som har vekse opp i fattigdom her i landet.
– Kva gjer du på fritida?
– På fritida er eg mest med venner. I tillegg likar eg å bruke tida på å lese, teikna og måle, samt mikse litt musikk.
– Kven beundrar du?
– Eg beundrar kongen vår! Han verkar så audmjuk, humoristisk og omsorgsfull. Rett og slett heilt konge.
– Kva er det beste med heimstaden din?
– Det er utan tvil samhaldet mellom oss om har vekse opp her i Selje. Og naturen, så klart.
– Kva hadde stått på di framside av Fjordenes Tidende?
– Metallica til Malakoff!
– Kva ville du gjort om du var ordførar for ein dag?
– Då ville eg ordna gratis surfekurs til alle i kommunen.
– Kva kulturoppleving hugsar du best?
– Det er mange. James Blake i Operahuset i Sydney var fantastisk. Metallica på Koengen i 2008 og sjølvsagt Karpe Diem på Malakoff 2017!
– Kva har du på nattbordet?
– Mobil, ei bok og snus.
– Kva nettstader er du innom i løpet av ein dag?
– NRK, fjt.no, adressa.no, 9gag.com og Facebook, sjølvsagt.
– Kva er meininga med livet?
– Det er vanskeleg å seie, men eg er veldig oppteken av at livet skal vere kjekt.