Namn: Runar Leirgulen
Alder: 23 år
Sivilstatus: har auga opne
Yrke: stolt fiskar
Bustad: Leirgulen og på båten
– Kva er du mest oppteken av?
– Eg er oppteken av å få til noko, skape noko. Synest det er spennande å gå eigne vegar, og gjere noko som kan komme fellesskapet til gode.
– Kva gjer du på fritida?
– På fritida prøvar eg å vere mest mogleg med familie og venner. Eg veit kor viktige dei personane er.
– Kven beundrar du?
– Familien, utan tvil. Spesielt mamma og tante Audhild, det er sterke damer! Så dei får ei virtuell rose frå meg.
– Kva er det beste med heimstaden din?
– Det må vel bli dei gode folka som kjem derifrå. Eg er litt patriot, så det nok fordi det er så mange med felles ønske om å få til noko. Slike folk heiar eg på.
– Kva hadde stått på di framside av Fjordenes Tidende?
– Bru over fjorden. Om det blir her eller der, så er det viktigaste at det kjem noko.
– Kva ville du gjort om du var ordførar for ein dag?
– Ikkje veit eg kva ein ordførar har mandat til å gjere, men viss eg fekk velje noko, så ville eg flytta kommunehuset til Leirgulen.
– Kva kulturoppleving hugsar du best?
– Det må nok bli den Bruce Springsteen-konserten som eg ikkje har vore på endå. Den sit…
– Kva har du på nattbordet?
– Dårleg med nattbord på lugaren min.
– Kva nettstader er du innom i løpet av ein dag?
– Hegnar, Facebook, VG, dmi.dk
– Kva er meininga med livet?
– Den som visste det skulle eg hatt ein prat med… men eg lever heller som optimist enn pessimist, så ser vi kor det går.