Namn: Ingelin Hamre Hatlenes
Alder: 29 år
Sivilstatus: sambuar
Yrke: rådgjevar hos NAV
Bustad: Nordfjordeid
- Kva er du mest oppteken av?
- Kor klisjé det enn måtte høyrest ut, så er eg veldig oppteken av at dei rundt meg skal ha det bra. For det gjer meg avslappa og glad.
- Kva gjer du på fritida?
- På fritida er eg mest mogleg i lag med familien, og vener når det let seg gjere. I tillegg er eg blitt glad i å ta bilde av naturen, så det brukar eg ein del tid på.
- Kven beundrar du?
- Då må eg seie sambuaren min og mammaen min. Dei strekker seg alltid ekstra langt for dei rundt seg.
- Kva er det beste med heimstaden din?
- Det beste med Nordfjordeid er at ein har både fjell og fjord i umiddelbar nærleik. Eg kjem frå Selje, så eg er avhengig av å kunne sjå og nytte meg av begge deler.
- Kva hadde stått på di framside av Fjordenes Tidende?
- System of a down kjem til Malakoff 2018
- Kva ville du gjort om du var ordførar for ein dag?
- Då ville eg ha sagt ifrå meg vervet. Nei, eg ville nok spurt meg sjølv kva som vil vere viktig å sikre for framtida til ungane våre.
- Kva kulturoppleving hugsar du best?
- Det må vere Bruce Springsteen på Koengen i 2009. Lokalt må det vere Biffy Clyro på Malakoff i 2013.
- Kva har du på nattbordet?
- Eg har ikkje nattbord, men nedanfor senga har eg mobil, vassflaske og våtserviettar.
- Kva nettstader er du innom i løpet av ein dag?
- Sett vekk frå Facebook, Instagam og Snapchat må eg sjekke sol, FjT, VG, TV2, storm og yr kvar dag.
- Kva er meininga med livet?
- Eg trur meininga med livet er å gjere så godt ein kan og ha det best mogleg. Så skal det seiast at det å bli mamma har gjeve livet mitt meining i alle fall.