Namn: Simen Hansen
Alder: 18
Sivilstand: singel
Yrke: matroslærling
Bustad: Selje
– Kva er du mest oppteken av?
– Å ikkje kjede meg, alltid prøve å finne på eit kvart. Skulle eg ha sete på ræva kvar dag utan å gjere noko, so hadde eg enda opp usunn og usosial.
– Kva gjer du på fritida?
– Eg jobbar annankvar månad på sjøen. Når eg er heime, så er eg ute med vennar og prøva å finne på noko, sjølv om vi bur i ei bygd med relativt lite fritidsaktivitetar og tilbod.
– Kven beundrar du?
– Jesper Gangsøy. Han er ein veldig god kompis og blir alltid med på å gjere noko.
– Kva er det beste med heimstaden din?
– Det beste med Selje må vere at flesteparten av vennane mine bur her. Og så er det jo fint her på somrane og då. Venner er kjekt å ha, og Vestlandet er generelt fint.
– Kva hadde stått på di framside av Fjordenes Tidende?
– Selje Hotel blir bygd opp igjen.
– Kva ville du gjort om du var ordførar for ein dag?
– Eg ville vel prøvd å få til litt betre vegar rundt om, sjølv om det ikkje er gjort på berre ein dag.
– Kva kulturoppleving hugsar du best?
– Rotlaus-konserten i romjula i Selje.
– Kva har du på nattbordet?
– Ei flaske med vatn, og ei veldig irriterande alarmklokke.
– Kva nettstadar er du innom i løpet av ein dag?
– Eg brukar ikkje å vere på so mange nettstadar. Det er vel heller appar det går i; Facebook, Snapchat, Instagram og TV2 Sporten.
– Kva er meininga med livet?
– Å ikkje bry seg om kva alle andre synest og leve ditt eige liv utan å bli kontrollert eller styrt av andre.