Namn: Heidi Brendsdal Myhre
Alder: 53 år
Sivilstand: gift
Bustad: Måløy
– Kva er du mest oppteken av?
– Eg er mest oppteken av jobben min som norsklærar.
– Kva gjer du på i fritida?
– Eg likar aller best å vere i hagen min. Om vinteren er eg med i ein kunstklubb. Eg er svært glad i trimløypa og fjella her.
– Kven beundrar du?
– Eg beundrar alle som gjer ein frivillig innsats for andre.
– Kva er det beste med heimstaden din?
– Vågsøy kommune har gode barnehagar og skular, her er idrettslag å vere med i, og kommunen er ein trygg stad å vekse opp i. Her er mange hyggelege folk å vere saman med, og naturen og fjella innbyr til fine turar.
– Kva hadde stått på di framside av Fjordenes Tidende?
– Ein ny svømmehall hadde vore ei god framside på fjt.
– Kva ville du ha gjort om du var ordførar for ein dag?
– Hadde eg vore ordførar ville eg ha besøkt bebuarane på institusjonane våre.
– Kva kulturoppleving hugsar du best?
– Kulturopplevingar som eg hugsar best er dei eg har vore med å arrangert sjølv i Måløy Kunstlag. Då må eg spesielt nemne utstillingane med Pushwagner og Ørnulf Opdahl.
– Kva har du på nattbordet?
– Eg har biografien om Henrik Wergeland av Yngvar Ustvedt på nattbodet mitt.
– Kva nettstadar er du innom i løpet av ein dag?
– Eg er sjølvsagt innom fjt.no kvar dag.
– Kva er meininga med livet?
– Meininga med livet er å glede seg i kvardagen og setje pris på dei menneska ein har rundt seg.