Kartleggings- og formidlingsprosjektet «Skulen min» går inn i sitt andre år med ferske prosjektmidlar.

Det treårige prosjektet fekk 400.000 kroner i fjor og får 425 .000 kroner i år frå Riksarkivet sine arkivutviklingsmidlar, skriv fylkeskommunen på sine nettsider.

– Vi har halde på i om lag eit år, og så langt har prosjektet vitja Hyllestad, Stryn, Flora, Gloppen og Eid, samt vore i kontakt med mange andre. Vi har vorte møtt med stort engasjement frå sogelag og historielag, lærarar og skuleelevar, tilsette i kommunar og kulturinstitusjonar og lokale eldsjeler, seier Sigrun Espe frå nærings- og kulturavdelinga i fylkeskommunen.