Denne leiaren stod på trykk i Fjordenes Tidende fredag 26. mai:
12 år gamle Linea Marie Midtbø Helgestad frå Raudeberg har rørt mange. Laurdag vart draumen til den unge jenta oppfylt då ho stod på ei vakkert pynta scene i sin eigen kulturfest og song for ein god ven, Svein Ove Falkevik, og ei god sak.
Har passert en halv million kroner
Dette vart kanskje ein av dei største kulturfestane som har vore i kulturhuset på Tennebø i Vågsøy nokon gong. 130 lokale artistar stilte opp gratis, ja, nokre betalte for å vere med. Og i salen var det nær 700 betalande. Alle billettane var selt ut. Og konserten som varte i nesten tre timar hadde høg kvalitet. Det i seg sjølv er ei god side ved dette prosjektet, at det finst så mange dyktige kulturkrefter i regionen.
No må det seiast at foreldra til Linea har vore viktige i prosjektet. Pappa Frode er ein viktig kulturarbeidar som har arrangert, dirigert og inspirert i mange år. Han hadde stødig regi på den fantastiske konserten. Mamma Wenche har vore ein viktig organisator.
Håper Linea kan inspirere flere til å bidra
Linea har fått brei omtale i lokal og riksdekkande media. Og så klarer den unge jenta å samle inn meir enn ein halv million kroner til å forske på sjukdommen. Fantastisk. Vi må også skryte av alle som har stilt opp gratis for Linea og for denne gode saka. Mange av oss har mykje å lære av den flotte jenta.