Søndag er første søndag i advent og mange nyttar anledninga til å tenne julegrana og lage julekos.
– Vi tenner grana på laurdag, fortel Ole Mathisen i Aktiv Raudeberg. Spesielt for denne julegrantenninga er at treet, som står på moloen, er laga av metall, med 16.000 lyspærer.
– Om vêret tillèt det blir det også eit enkelt fyrverkeri, før vi trekker inn i Maritim Park for gang rundt juletreet og songar, seier han.
I Selje tenner dei grana på søndag.
– Det startar utandørs i skyminga. I parken vil lysa på det kommunale juletreet bli tende, og nissekledde musikantar spelar julesongar i paviljongen. Kanskje får vi også sjå julepynten på Risnakken lyse opp? Etterpå går vi inn og varmar oss i gymsalen på skulen. Der blir det kaker og kaffi, lotteri og musikk- og drilloppvisning. Korpset ynskjer små og store velkommen, seier Anita Strømmen i Selje skulekorps.
I Bremanger er det mange arrangement. Svelgen Opp og Fram og Svelgen skulemusikk lagar julekos i sentrum laurdag.
Bremanger Skulemusikk speler på Hauge når juletreet blir tent i Bjørsvika, også det på laurdag.
I Berle og i Kalvågtenner dei julegrana søndag. Sistmnemde stad blir det også opning av peparkakebygda, fakkeltog og lysmesse.