Namn: | Pål Gjøran Blom |
Alder: | 20 år |
Sivilstand: | singel |
Bustad: | Svelgen |
Yrke: | industrimekanikar |
– Kva er du mest oppteken av?
– Det eg er mest oppteken av er at alle og ein kvar skal ha det bra.
– Kva gjer du på fritida?
– Heng med vener, rånar og skrur på bil.
– Kven beundrar du?
– Ingen som skil seg noko spesielt ut. Eg beundrar alle for den dei er.
– Kva er det beste med heimstaden din?
– Det gode miljøet og samhaldet som er her i Svelgen. Det gjer kvardagen trivelegare.
– Kva står på di førsteside av Fjordenes Tidende?
– Om eg fekk bestemme hadde der stått: Endeleg tar kommunen tak i vasstrykkproblemet som er i Svelgen.
– Kva hadde du gjort om du var ordførar for ein dag?
– Eg ville ha prøvd å betre vegane i kommunen. Det er sikkert noko meir eg ville ha gjort også, men kjem ikkje på det i farta.
– Kva kulturoppleving hugsar du best?
– Amcar-treffet Svelgen Amcar Klubb arrangerer i Svelgen kvart år.
– Kva har du på nattbordet?
– Ei ubrukeleg vekkjarklokke, mobilen og ei skjorte.
– Kva nettstadar er du innom i løpet av ein dag?
– Nrk, vg, fjt, firda, dinside, youtube og facebook.
– Kva er meininga med livet?
– Meininga med livet er å leve kvar dag som om det var din siste, og heller gjere ein ting du angrar på i staden for å angre på at du ikkje gjorde noko når du hadde moglegheita.