Malene Joensen er 20 år gamal og kjem frå Davik, men bur i Bergen. Ho er fysioterapistudent og jobbar som hjelpepleiarassistent.
– Kva gjer du på fritida?
– Eg er likar å vere med vener og familie, trene og å gå i fjellet.
– Kven beundrar du?
– Alle som gjer ein innsats for andre, og særleg mammaen min, som i tillegg til å vere verdas beste mamma, nettopp er blitt spesialist i allmenn fysioterapi.
– Kva er det beste med heimstaden din?
– Naturen. Den er variert, vakker og ein super arena for fysisk aktivitet uansett veir.
– Kva står på di førsteside av Fjordenes Tidende?
– Hovudoverskrift: Emma Åsebø tatt ut til OL i 2022. I eit hjørne: Bremanger kommune opprettar ny fysioterapistilling.
– Kva ville du ha gjort om du var ordførar for ein dag?
– Veit ikkje heilt om eg ville tatt jobben, han rådmannen i Bremanger er visst ikkje heilt god. Haha.
– Kva kulturoppleving huskar du best?
– The Rolling Stones sin 50 års-konsert i Hyde park sommaren 2012.
– Kva har du på nattbordet?
– Altfor mange hårstrikk, mobilen min og eit bilete av jentene eg gjekk i klasse med på barneskulen.
– Kva nettstadar er du innom i løpet av ein dag?
– Litt varierande, men som oftast vg.no, bt.no, aftenposten.no, nrk.no og forskning.no
– Kva er meininga med livet?
– Å lære og å oppleve.