Namn: Andreas Losnegard
Alder: 21år
Sivilstatus: i eit forhold.
Bustad: bur i Ålesund, men kjem frå Stadlandet.
Yrke: går på fagskulen i Ålesund.
– Kva er du mest oppteken av?
– Eg er mest oppteken av å halde meg i form, og å ha ei god helse. Er kroppen glad er eg glad.
– Kva gjer du på fritida?
– Fritida går med på å trene, vere saman med venar og kjæreste, og til tider studere.
– Kven beundrar du?
– Eg beundrar foreldra mine for den innsatsen dei har gjort i heimbygda mi i alle år. Både med tanke på idrettslag og sosiale lag.
– Kva er det beste med heimstaden din?
– Alle i bygda kjenner kvarandre, og med det kjem ei stor dugnadsånd.
– Kva står på di førsteside av Fjordenes Tidende?
– Ny veg i Årsheimstranda.
– Kva ville du ha gjort om du var ordførar for ein dag?
– Eg ville ha satt i gang bygginga av ny veg i Årsheimstranda.
– Kva kulturoppleving hugsar du best?
– Det er dessverre ingen spesielle.
– Kva har du på nattbordet?
– Lampe og mobil.
– Kva nettstader er du innom i løpet av ein dag?
– Er innom alle nettstadar med nyheiter, og så er eg innom facebook.
– Kva er meininga med livet?
– Meininga er å leve godt, og å vere lukkeleg med det ein gjer og dei ein er saman med.