Namn: Anne Grete Fjelltun Alder: 44 år Sivilstatus: separert to-barnsmor Bustad: for tida Kulen Yrke: barnevernspedagog
– Kva er du mest oppteken av? – Akkurat no er eg mest oppteken av å øve på å nyte augneblinken, dagane og livet. Eg trur eg blir lukkeleg av og ta styringa i livet mitt, ikkje berre la meg flyte med. Og lukkelege vil vi jo bli?! – Kva gjer du på fritida? – Vanlegvis går all fritid med til hund, handball og teater.
– Kven beundrar du? – Eg har ingen idol, men beundrar klokskap, mental styrke og ro, og gjennomføringsevne. Personar som har desse evnene tek gode avgjerder og ansvar.
– Kva er det beste med heimstaden din? – I skrivande stund er det veret og årstida! Det er sol, passe varmt og ein sommar og sjå fram til!
– Kva står på di førsteside av Fjordenes Tidende? – Endeleg nokon som lyftar blikket!
– Kva ville du ha gjort om du var ordførar for ein dag? – Om eg hadde vore ordførar, om berre for ein dag, burde eg halde meg på kontoret, låse døra og unngå kontakt med omverda, for det ville aldri kunne gå bra!!
– Kva kulturoppleving huskar du best? – Akkurat no hugsar eg best konserten med Arve Tellefsen.
– Kva har du på nattbordet? – Lampe, bok, mobil og sovemaske. Samt støv.
– Kva nettstadar er du innom i løpet av ein dag? – Færrast mogleg, men har ein lei tendens til å måtte sjekke Facebook og Finn.no, altså berre tull.
– Kva er meininga med livet? – Å leve lukkeleg! Som eg i praksis trur betyr å leve trufast etter eiga overtyding balansert mot samfunnet sine lover og normer. Altså den gylne middelveg!