Namn: Marie BakkeAlder: 37 årSivilstatus: sambuar med Geir og mor til Aneog JohanBustad: DavikYrke: sjukepleiar
– Kva er du mest oppteken av?– Eg er nok mest oppteken av, og glad i kvardagane, for det er dei det mest av. Familien min, arbeidet mitt og heimen min.
– Kva gjer du på fritida? – Musikk er hovudinteressa mi. Eg syng, spelar gitar og spelar i korps. Vidare har eg gode intensjonar om å halde meg i form med zumba og turar. Dette med varierande suksess.
– Kven beundrar du? – Eg beundrar alle dei som reiser ut som hjelpearbeidarar rundt om i verda. Dei set eige liv og helse i fare for å hjelpe andre. Det tykkjer eg er sterkt og beundringsverdig.
– Kva er det beste med heimstaden din? – Davik har gode oppvekstvilkår for borna våre, der er flott natur og mange kjekke folk.
– Kva står på di førsteside av Fjordenes Tidende? – Flott opninga av brua mellom Oteren – Maurstad!
– Kva ville du ha gjort om du var ordførar for ein dag?– Ha-ha, då får det vere eit framhald på spørsmålet ovanfor: om eg var ordførar for ein dag ville eg ha opna brua og vore den som klipte snora.
– Kva kulturoppleving huskar du best? – Eg er ein stor Leonard Cohen fan. Eg har pugga det meste av tekst, og lært meg kor-stemmene slik at eg skal vere spenn klar dersom Leonard ringjer og tilbyr meg jobb som korist… Det er lov å drøyme! Eg har vore så heldig å vore på to flotte konsertar med han. Ein fantastisk musikar og tekst forfattar. Eit kulturminne for livet!
– Kva har du på nattbordet? – Vannglass, mobil, iPad og tre halvleste krimbøker.
– Kva nettstadar er du innom i løpet av ein dag? – Vg.no, facebook.com og mentalhelse.no.
– Kva er meininga med livet?– Då må eg sitere Georg Brandes i diktet Dagen i dag: I dag kan du leve slik at noen i kveld er glad for at du er til. Det må vere meininga med livet!!