Namn: Caroline Kobbevik
Alder: 25 år
Bustad: Oslo, men bur i Kalvåg for sommaren
Sivilstand: kjærast
Yrke: kokk
– Kva er dine planar for sommaren?
– Eg skal jobbe på Knutholmen heile sommaren. Mykje jobb er typisk sommar for meg, og det er lenge sidan eg har hatt sommarfri. Og så skal eg fiske mykje her i Kalvåg!
– Kva er ditt beste sommarminne?
– Eg har ikkje eit spesifikt minne, men likar å tenke tilbake på alle turane eg hadde på stranda med familien som born.
– Kva er ditt favorittreisemål?
– København. Der er det mykje god mat og mange glade menneske.
– Kva legg du helst på grillen?
– Eg er veldig glad i sjømat.
– Korleis vil du beskrive ein perfekt sommardag?
– Ein dag med blå himmel og sol, eg har fri og sit på Grotlesanden og slappar av.
– Kva gjer deg glad?
– Fornøgde gjestar. Og å vere kokk på Knutholmen. Det er plassert midt i havets matfat, og ein kan berre plukke råvarene frå brygga. Det er kvar ein kokk sin draum å vere her.
– Kven vil du gi ei korg jordbær?
– Mariann, som eig Knutholmen. Ho spring rundt som ei altmoglegkvinne og fiksar alt som fiksast skal.
– Kva gjer deg trist og lei?
– Heimlengsel. Eg får det litt inn i mellom, men ikkje ofte, sidan det er så fint som det er her.
– Kva gjer du dersom det regnar?
– Regnvêr er perfekt fiskevêr.
– Har du ein hobby?
– Eg likar å fiske og å halde på med blomster.
– Kva er din største draum?
– Eg har faktisk ein stor draum om å bli botanikar.
– Kva er det beste med Kalvåg?
– Her finn ein den aller finaste naturen, i tillegg til ei fantastisk lokalbefolkning.
– Kva song skulle du ha ønske du hadde skrive sjølv?
– Smak av honning. Ein skikkeleg bra tekst.