Tre kateketar som arbeider i Eid, Vågsøy og Stryn får stola til bruk ved kyrkjelege handlingar.
Stola er det fargeriket «skjerfet» som også prestane har utanpå albaen (den kvite kappa som både presten, kateketen, kantor og diakon har) og er eit teikn på vigsla teneste. Det vil seie at kateketen har tatt ei eiga vigslingsgudsteneste der biskopen, prosten og andre kollegaer har bedt og gitt kateketen ei livslang velsigning til teneste i kyrkja.
No har kyrkjerådet vedteke at vigsla kateketar skal ha skråstola utanpå albaen.
I Nordfjord er det tre vigsla kateketar. Desse er Beate Folkestad Osdal på Eid, Sølvi Myklebust Rasmussen i Vågsøy og Beate Nes i Stryn. Alle tre har no fått ferdige sine stola med eigne symbol.
Osdal, Rasmussen og Nes gler seg svært til å kunne bruke stolaen og sitt eige personlege kunstverk på gudsteneste rundt om i Nordfjord.
Du kan lese meir om kateketane i Fjordenes Tidende fredag.