Frå Harlem til Måløy og Eid

Søndag 4. desember kjem The Harlem Voices til Operahuset Nordfjord. Dagen etter, måndag 5. desember, står det amerikanske koret på scena i Nordfjordhallen.

Harlem Voices er samansett av fem songarar, pianist og slagverk som kjem frå Harlem i New York. Koret har meir enn 20 års erfaring frå scenar rundt omkring i Europa, USA og Sør-Amerika.Sjelfull, funky og svingane gospel, soul og rythm & blues er stikkordet for musikken til Harlem Voices.

Når koret står på scena, blir det full trøkk både på scena og i salen og med skikkeleg gospelstemning.

Det er Eric B. Turner som er musikalsk leiar for koret. Han er også frontvokalist i The Temptations og The Drifters, og har lang erfaring frå Broadway-musikalar og TV-show. Turner har også sunge med mellom anna Mariah Carey, Anita Baker og Chaka Khan.

Konserten i Eid skulle eigentleg vere i Eid kyrkje, men er flytta til Operahuset. Denne kvelden står også Stårheim Songlag på scena med dirigent Olga Pavlova.