Når koret Frisk Bris og dirigent Unni Bosnes Eltvik byr på julekonsert, blir det både tradisjonelle og utradisjonelle julesongar.
– Vi er spende på om publikum vil like det, fortel dirigenten og legg til at koret har fått sansen for den utradisjonelle jule musikken dei skal framføre.
Onsdag 7. desember i Ervik kyrkje blir det julekonsert med koret Frisk Bris. Her vil koret servere tradisjonelle julesongar og songar, men også russiske folketonar.
– Geirr Lystrup har laga teksten som omhandlar juleevangeliet og Henning Sommerro har arrangementet. Så er vi så heldige som har fått med oss Maria Haaland Bjørkavoll som solist på låtane, seier Bosnes Eltvik.
Ho beskriv musikken som spenstig og annleis, men også frisk og vakker.
– Det er litt utradisjonelt, men vi tykkjer det går fint å kombinere det tradisjonelle med det utradisjonelle, fastlår dirigenten.
Koret, med sine rundt 20 medlemmar, har også fått med seg Jon Inge Sigerland på piano, Bjørn Inge Berge på gitar og Bjørn Jensen på fløyte denne kvelden.
– Vi håpar at det blir ei god adventsstund og ein fin julekonsert i Ervik.