Matskulen byr på oppskrifter utarbeida av MVS-elevane i La nature gourmet UB i samarbeid med kokk- og servitørfaglærarane Iren Hammersvik, Bente Iren Vonheim og Monica Iren Venøy Lexau. I dag har Aleksandar Misic laga krema skogsoppsuppe.

Om du har eit utval av skogsopp for hand, kan resultatet bli ei smakfull suppe. Oppskrifta rekk til åtte personar.

Dette treng du:

800 gr assortert skogsopp

3 sjalottlauk

½ ss timian

3 ss smør

3 dl kvitvin

9 dl kyllingkraft

3 dl fløyte

1 liten fedd kvitlauk

Salt, pepar og blad-persille

1 dl sherry

Slik lagar du suppa:

Kutt soppen i passe bitar, skrell og skjær sjalottlauk i skiver, fres sopp og lauk med tørka timian i smør.

Hell på kvitvin og kok opp. Reduser litt (kok ned til der blir mindre væske).

Tilsett kyllingkraft og fløyte og kok inn til det tjuknar. Bruk ein purestav i suppa slik at den blir jamna.

Om du synest suppa er tynn kan du jamne den med maizenna. Smak til med salt, pepar og sherry.

Garnityr: Sopp i strimlar steikes med finkutta kvitlauk, strø over finkutta bladpersille.