Stormkonsert nummer seks i rekka starta på indre Fure, i stova til Else Fure.
– Først fortalde Else Fure om oppveksten og livet på indre Fure. Deretter heldt Jorun Marie Kvernberg ein nydeleg konsert. Ho hadde også lokalt materiale frå Selje av Paul Berstad, fortel arrangør Anja Midttun.
Grete Fure i Stadt Naturguiding guida deretter deltakarane til ytre Fure, der Johanne Nilsen, Asbjørn Nilsen, Evy Anne Skårbø og Sigrid Moldestad venta.
Johanne fortalde om oppveksten og livet på ytre Fure, før Sigrid Moldestad heldt konsert. Ho hadde med seg Asbjørn Nilsen på gitar, og fekk også alle med på allsong. Turen gjekk så tilbake til den gamle skulestova på indre Fure for bacalao og panna cotta med råvarar frå lokale produsentar på Stadlandet.