Namn: Christian Gulhaugen
Alder: 44 år
Bustad: Svelgen
Sivilstand: gift
Yrke: bilmekanikar, Svelgen motorsenter
– Kva planar har du for sommaren?
– Eg skal byggje garasje, innom nokre festivalar, og på hyttetur. Den store ferieturen er teken allereie. Var i Las Vegas og Los Angeles i januar.
– Kva er alltid med i kofferten?
– Paracet, solkrem og ei bagasjevekt.
– Når slår feriekjensla inn for fullt?
– Når eg går frå jobb, i dag 14. juli, og skal ha tre veker ferie.
– Kva er ditt beste ferieminne?
– Bilferie til Drammen i ein sliten 65 mod Chevrolet.
– Kvar hadde du reist med uavgrensa feriebudsjett?
– Heilt klart USA.
– Kva kjendis hadde tatt med til ei øde øy?
– Charter-Svein. Då hadde eg hatt underhaldning.
– Kvar ville du tatt med deg sommargjestane dine?
– Måtte ha blitt til hytta ved Dalavatnet.
– Blir du vêrsjuk om regnet høljar ned?
– Eigentleg ikkje. Det er nok å finne på innandørs.
– Kvar lika du best å bade?
– Likar meg best i badestampen.
– Kva gjer du i hagen i sommar?
– Klipper gras, bannar og lagar forskaling til garroen.
– Kva fjelltopp er den finaste om sommaren?
– Veten eller Hornelen.
– Kva er ditt beste festivalminne?
– Malakoff i fjor, år og neste år. Rigge leir og berre rocke i veg.
– Kva anbefalar du å lese på årets ferietur?
– Les ikkje bøker i det heile, men AmCar og CruiserMagazine dug.
– Kva serverar du helst ein sommardag?
– Hamburgar eller krabbe med noko godt å drikke til.
– Kva tenker du om å ta ferie frå sosiale medium?
– Er «Facebook-hore», så det hadde ikkje gått. Er jo heilt idiotisk, men ...
– Kva eldsjel fortenar ei korg med jordbær?
– Robel. Den nye hotelldirektøren på Bremanger Fjord Hotell. Han er heilt rå.