Den tradisjonsrike Korsadagen blir arrangert på Korsen på Stadlandet laurdag. –Korsadag blir det uansett vêr, og så satsar vi alt på at det blir ute, seier Elisabeth Reksnes i styret til Stadlandet grendahus som arrangerer Korsadagen. Arkivfoto: Benedikte Flataker

Den tradisjonsrike Korsadagen blir arrangert på Korsen på Stadlandet laurdag. –Korsadag blir det uansett vêr, og så satsar vi alt på at det blir ute, seier Elisabeth Reksnes i styret til Stadlandet grendahus som arrangerer Korsadagen. Arkivfoto: Benedikte Flataker

Arrangerer tradisjonsrik Korsadag

– Vi satsar på at Korsadagen blir ute i år, seier Elisabeth Reksnes i styret til Stadlandet grendahus.

Ifjor måtte ein flytte den tradisjonsrike Korsadagen på Stadlandet innomhus på grunn av dårleg vêr. I år håpar styret at dei skal kunne ha den ute i Korsen igjen.

– Det blir ulike stands, og matsal frå dei nye eigarane til Furebuda, og så kjem det ein bonde med nokre dyr og fleire lokale bedrifter stiller med stand, seier Reksnes.

I tillegg blir det lotteri og sal av rømegraut og kaker.


Byr på blues og soul på Korsadagen

– Ein dag er ikkje nok for å oppleve mykje av det Stadlandet har å by på, sler arrangørane fast.

– Spesielt for Korsadagen i år er at vi har fått inn eit kjend band, Good Time Charlie, til å spele på kvelden. Og dei skal også ha barnekonsert på dagtid, seier ho.

Barnehagar har fått tilsendt musikk frå bandet slik at musikken er kjend for ungane og kan vere med å synge.

– Vi håpar at dei fekk det ut tidsnok, slik at dei har fått øvd litt, seier ho.

Korsadagen er ein tradisjonsrik dag då mange utflyttarar er heime. Sommaraktive Stadt blir også avslutta laurdag med premieringar.

Meir å lese på Fjordenes Tidende:
 
Leses nå