Namn: Yvonne RundereimAlder: 34 årBustad: SeljeSivilstand: gift med Freddy, mamma til Sandra og TinaYrke: kokk
– Kva planar har du for sommaren?
– Å nyte sola på Nord-Kypros. Kanskje ein tur til San Sebastián i august.
– Kva har du alltid med i kofferten, og kva er ditt beste pakketips?
– I bagasjen har eg alltid pass, visa, solbriller og mykje kle. Har ingen spesielt gode pakketips, då eg nesten alltid pakkar for mykje.
– Når slår feriekjensla inn?
– Når vi landar på flyplassen på Kypros. Vi har feriehus der, og er der på ferie kvar sommar.
– Kva er ditt beste ferieminne?
– Då eg og familien min var på utflukt på Nord-Kypros med ein lokal sjåfør. Han viste oss fantastiske plassar på øya, blant anna Turtle Beach, Belapais, og The sleeping city of Famagusta. Å sjå byen Famagusta som har stått aude sidan 1974 gjorde veldig inntrykk.
– Kor ville du reist med uavgrensa feriebudsjett?
– Då hadde eg reist til USA eller Australia.
– Kor ville du ha tatt med deg sommargjestane dine?
– Eg ville tatt dei med på Seljesanden, Selje kloster, Hovden i Ervik, Vestkapp og Silda.
– Kvar likar du best å bade?
– Eg likar best å bade i Middelhavet.
– Kva gjer du i hagen i sommar?
– I hagen lukar eg ugras og plantar litt.
– Kva fjelltopp er den finaste ein sommardag?
– Vanskeleg å velje ein fjelltopp, er jo så mange fine. Men trur det må bli Tarvaldseggja i Selje.
– Kva anbefaler du å lese i sommar?
– Eg les mykje norske seriar på ferie. Om eg skulle anbefale noko er alle bøker av Anne Karin Elstad verdt å lese.
– Kva serverer du ein sommardag?
– Ein god sommarmeny for meg er marinert sjøkreps, grilla svinefilet og panna cotta med norske jordbær.
– Kva tenker du om å ta ferie frå sosiale medium?
– Det tenker eg hadde vore bra.
– Kva eldsjel fortener ei korg jordbær?
– Atle Solheim fortener ei korg jordbær – og mykje meir – for sitt engasjement i Selje idrettslag og for Seljecup opp i gjennom tidene.