Namn: Simon Standal PavelichAlder: 25 årBustad: EidSivilstand: singelYrke: skodespelar/grafisk designar. Eller kanskje like greitt å skrive «arbeidsløyse»?
– Kva planar har du for sommaren?
– Bade, ete god mat, nyte Malakoff og flytte til Oslo.
– Kva har du alltid med i kofferten, og kva er ditt beste pakketips?
– Eg har alltid med dress, plutseleg treng ein den. Og beste pakketips er alltid å ha plass til meir.
– Når slår feriekjensla inn?
– Når Malakoff byrjar.
– Eg ville vist dei den flotte kommunen vi bur i
– Kva er ditt beste ferieminne?
– Kvar gong vi har reist til USA, heile familien, for å besøke slekta. Fantastisk.
– Kvar hadde du reist med uavgrensa feriebudsjett?
– Japan. Når ein først skal reise, kvifor ikkje ta turen til ein anna planet?
– Kva kjendis ville du ha tatt med til ei aude øy?
– Bear Gryllis. Ein må vel kome seg av øya!
– Kvar ville du tatt med deg sommargjestane dine?
– Refviksanden.
– Blir du vêrsjuk når regnet høljar?
– Elskar høljande regn! Likar best å jogge/gå på tur i regnet.
– Kvar likar du best å bade?
– Løkjaneset. 10/10.
– Kva gjer du i hagen i sommar?
– Finn fram grasklipparen.
– Kva fjelltopp er den finaste om sommaren?
– Eg er så lite på fjelltur, men kan seie at eg likar godt å sjå på Gjegnen/Hyenehesten frå huset på Løkja, spesielt når det er solnedgang.
– Kva er ditt beste festivalminne?
– Det er mange å velje mellom. Må nok køyre på med Highasakite på Malakoff i 2014. Tidleg på festivaldagen, omringa av gode vener, steikande sol og herleg musikk. Ein god andreplass må vere Den Svenska Björnstammen i 2012. Dans og høljande regn! Gode vibbar.
– Kva serverer du helst ein sommardag?
– Grillmat, meir spesifikt biff med gresk salat.
– Kva eldsjel fortener ei korg med jordbær?
– Må få fiksa ei korg med jordbær til Arnt-Ivar Naustdal!