Kvar søndag gir vi deg eit tilbakeblikk på sakene som har vore på trykk i samband med reportasjeserien «Likestilt» i Fjordenes Tidende. «Likestilt» ser nærare på kvinner sin kvardag i 2017:
Men med dette meiner ikkje den utflytta Silda-dama at ein skal sjukmelde seg frå jobb.
– Nei, for å kunne ta styring i eige liv må ein finne roa, og dette kan ein gjere ved hjelp av timeouts. Å gå ein tur sakte eller berre puste godt kan vere til god hjelp, seier gründaren.
Førtiniåringen bur i Bergen og starta i januar opp sitt eige kurskonsept, Work Life Balance, med mål om å bidra til positive endringsprosessar.
– Eg fann ut at eg har masse kompetanse, både fagleg og erfaringar, som eg ville pakke inn og dele med folk, fortel ho.
No held ho kurs for både bedrifter og privatpersonar.
Lar dansen vise veg
Wik Silden forklarar at ho jobba i forsikringsbransjen i over 20 år, før ho sa opp i 2010.
– Eg ville jobbe meir med menneske, og tok kurs slik at eg kunne begynne med karriererådgiving, fortel gründeren.
Tre år seinare endra livet til Merete seg drastisk på ein annan måte då ho fekk påvist ein stor svulst i nervesystemet. Ho måtte mellom anna lære seg å gå på nytt.
Veslemøy har ei eiga evne til å nå ut
Ho seier at ho gjennom utdanninga si som kommunikolog hadde alle verktøy ho trengde for å takle sjukdomen på ein god måte.
– Eg visste kva eg skulle gjere og pusta meg gjennom det. Dette gjorde det også enklare for familien min, påpeiker ho.
Balanse er nøkkelen
Wik Silden meiner det meste sit i hovudet, og understrekar samanhengen mellom kropp og psykisk helse.
– Etter at eg var sjuk har eg fått mange venner med ulike funksjonshemmingar. Ingen av dei ser på seg sjølv som sjuke, og det å ha den mentaliteten er ufatteleg viktig, fortel ho.
Wik Silden fortel at ho ser mykje av dei same utfordringane uavhengig av kvar ho held kursforedrag.
Charlotte (24) har industri i blodet
– Dersom alt er kaotisk og ein har tre ballar i lufta samtidig kan det vere nyttig å ta eit steg tilbake, påpeiker Wik Silden.
Beundrar kystkvinnene
Merete flytta frå Måløy for godt i 1993, men best ro finn ho likevel på Silda der ho vaks opp.
– Å dra på fisketur med snekka mi «Flyt» i dette opne landskapet er heilt fantastisk.
Søstrene skal gjere kysten tryggare
– Det gjer noko med ein å vekse opp med slike naturkrefter. Det er så avsides, samtidig som vi har vore sentrale i utviklinga. Ein blir veldig sjølvstendig, og det er tøffe folk som kjem her ifrå. Vi har alltid klart oss sjølv og hjelpt kvarandre.
Ho fortel at ho særleg beundrar kystkvinnene.
Stadig flere jenter gjør som Tonje
– Eg har fått veldig god respons frå fleire kundar. No planlegg eg eit eller to kurs heime i Måløy i slutten av august. Det blir veldig spennande, avsluttar ho.