Det siste året har dei reist rundt i heile Norge og opptredd på konstertar og festivalar, og også deltatt i fleire underholdningsprogram på riksdekkande TV. I haust har dei har vore i studio og spelt inn ein flunkande ny EP, som blir gitt ut i starten av 2018, heiter det i ei pressemelding.

– Jentene gler seg veldig til å gje ut ny musikk, og er kjempespente på om publikum tek godt imot dei nye songane, heiter det i pressemeldinga.

«Vintertid» handlar om den fine tida som er når den fyrste snøen kjem, og all spenninga og følelsane som er knytt til å gå inn i den fine vintertida, med snø og kulde. Vilde Hjelle står for tekst og melodi.

Musikken er spelt inn og miksa ferdig av Ocean Sound Recordings på Giske, og Aleksander Raftevold har vore produsent, mens Johan Espelund og Karl Oskar Nyberg har bidratt på instrument.

Songane blir tilgjengelige på Spotify, Tidal, iTunes, Beat og andre streamingtenester.