I Italia er det vanleg med ansjos på pizzaen. Vi prøvde å byte den ut med vår milde og møyre matjessild, og resultatet vart kjempegodt! Berre hugs å legge silda på etter at pizzaen er steikt.
Dette treng du for å lage sildepizzaen:
12 stk matjessild-filet
Pizzabotn
Marinade:
4 stk sitron
1 knivsodd hakka frisk persille
4 ss kvitvinseddik
Salt og pepar
Topping:
4 fedd kvitlauk
1 stk brokkoli og 8 stk potet
4 stk mozzarella, fersk
12 stk cherrytomat
12 ss olivenolje
Slik lagar du pizzaen:
Sett steikeomnen på 180°C. Skjær sild i mindre bitar.
Marinade:
Press safta av sitronane og bland det med persille, eddik, salt og pepar. Ha silda i marinaden og la den ligge medan du lagar toppingen.
Topping:
Finhakk kvitlauk, del brokkoli i små bukettar, skjær poteter i små terningar, mozzarella i skiver og cherrytomat i båtar. Ha potet på eit steikebrett, dryss over kvitlauksbitane og olivenolje, og bak i steikeomnen i 10-15 minuttar. Skru opp varmen i omnen til 250°C. Dekk pizzabotnen med eit lett lag mozzarella. Fordel brokkoli og poteter over, og steik pizzaen i steikeomnen i 10-15 minuttar. Ta ut pizzaen og fordel silden, cherrytomat og ruccolasalat over.
Tips: Pizzaen smakar best med litt olivenolje og parmesan dryssa over.