Vil servere nye og kjente låtar

Fredag 19. oktober kjem Hennig Kvitnes til Operahuset Nordfjord.
Kultur

På seinsommaren i år kjem Henning Kvitnes med eit nytt album, 60 rundar rundt sola. Han feirer samstundes 40 år på vegen med ein turne med «Gutta i Bandet» frå slutten av september.

– 6 Guttær på scena og forhåpentleg vis fult i salen, heiter det i ei pressemelding.

Turneen blir ifølge meldinga ingen mimring i gamal grut, men ei blanding av nye songar, dei mest kjente, og nokre gløymde eller gløymde perler frå hans svært store samling av songar på norsk.

– Det var eigentleg ikkje meining å gje ut fleire album, men songar pressa seg på og ville ut i verda – og eit trufast publikum fortenar noko nytt?

Poetisk, melodiøst, rocka, humoristisk og personlig er stikkord frå ein jordnær songpoet heilt frå søraust i landet, som dei siste 10-15 åra har hatt ein eventyrleg publikumsoppslutnad.