– No er det skikkeleg herleg å opne dørene. Det har tatt meir tid enn vi hadde tenkt, så det blir godt å kome i gang, seier Leon Knapskog, som skal drive restauranten saman med Øyvind Haugland og Silje Øygard.
Interessa for Aske har allereie før opning vore stor og opningskvelden vart fullbooka på ti minutt.
– Folk syns det er utruleg kult og modig av oss ikkje å sette ein pris på tacoen
Konseptet er tredelt. Det blir ein restaurant der menyen, som består av fire rettar blir bytta ut kvar veke. I tillegg blir det ein gatemat-del der ein også kan bestille take-away. Den tredje delen er eit bryggeri der trioen skal lage sitt eige øl.
– Det blir mat som vi synast er kul. Vi legg sjela vår i alle elementa og ønskjer å vere ein uformell plass der du kan gå for anten ein middag eller for å ta ein øl og ein pommes frites, forklarar Knapskog.