– Eg er ikkje redd for ansvar, men det er klart ein er audmjuk for den jobben ein skal gjere. Eg tenker at dette er ei moglegheit for meg til å kunne påverke meir. Så lenge eg føler at eg har noko å bidra med og gode idear, så er eg glad for å få sjansen og tilliten, seier Berntzen, som startar i jobben 1. mars.
Du kan lese meir om «Likestilt» her.
Kvinner med bein i nasen
Når Berntzen ikkje dirigerer eller underviser andre, syng ho saman med sju andre damer i det nystarta ensemblet Silisium Vokal. Dette er noko ho vil halde fram med vidare.
En milepæl i Likestilt-arbeidet
– Eg er jo innflyttar, men eg tenker at kvinnene her ved kysten alltid har vore sterke. Sjølv om ein i kysthistoria har hatt eit fokus på menn, stod det sterke kvinner bak desse mennene. Den dag i dag har kvinnene på kysten bein i nasen og er ikkje redde for ei utfordring, understrekar Berntzen.
«Arveleg belasta»
At det vart musikk og kultur 44-åringen valte som karriereveg kom ikkje som ei overrasking. Berntzen vaks opp i Stange kommune på Hedmarken i ein musikkinteressert familie.
– Eg er veldig takknemleg for at eg får jobbe med luksus.
Etter tida på musikklina der Berntzen tok klassisk song som hovudinstrument drog ho til Universitet i Oslo der ho studerte jazzsong. Musikkstudiet vart fullført på Griegakademiet i Bergen, der Berntzen tok hovudfag i Etnomusikologi. Ei grein av musikkvitskapen som søker å forstå rolla til musikk i ein kultur.
Drømmer om å bli krigsfotograf
Eit rikt kulturliv
I 2006 flytta Grete og mannen Trond til Kalvåg, der Trond kjem frå, og det tok ikkje lang tid før musikkentusiasten vart dirigent for Svelgen songlag. Noko ho framleis er i dag.
Stadig flere jenter gjør som Tonje
Sidan 2009 har ho vore aktiv i kulturskulen som lærar og rektor. Sistnemnde rolle tar ho med seg vidare i form av at ho skal vere både kultursjef og kulturskulerektor.