Stemmene frå den rådgjevande folkerøystinga i Gloppen er no talt opp og resultatet er klart.
Innbyggarane i kommunen har hatt to val: Å seie nei eller ja til samanslåing med Eid kommune. Ein kunne også stemme blankt.
Frå førehandsrøystene var det eit fleirtal for samanslåing. 53,4 prosent sa ja, medan 45,3 prosent sa nei.
Resultatet frå dagens folkerøysting viser at 50,82 prosent av innbyggarane har sagt nei til ei kommunesamanslåing med Eid.
47,16 prosent av dei røysteføre sa ja til samanslåing.
2,03 prosent var blanke røyster.
Om lag to tredjedelar av glopparane har sagt si meining om samanslåing. Valoppslutnaden i Gloppen kommune var på 67 prosent.