Namn: Camilla Chruickshank Holvik
Alder: 33 år
Sivilstatus: gift, tre born
Bustad: Måløy
Yrke: kunderådgivar i Sparebanken Vest
– Kva er du mest oppteken av?
– Kvalitetstid. I ein hektisk kvardag er det viktig å sette av tid til kjekke aktivitetar med familie, venner og litt eigentid. Dette er noko som gir meg energi.
– Kva gjer du på fritida?
– Då er eg saman med familie, venner og så trener eg litt. På denne årstida vert det ein del turar i fjellet.
– Kven beundrar du?
– Svigermor! Ho er den mest tolmodige og omtenksame personen eg veit om. Verkeleg eit førebilete.
– Kva er det beste med heimstaden din?
– Det må vere naturen og alle dei flotte turmoglegheitene. I tillegg er utsikta og havet to favorittar for ei som er oppvaksen i Indre Sogn.
– Kva står på di førsteside av Fjordenes Tidende?
– Skram skule blir totalrenovert!
– Kva ville du ha gjort om du var ordfører for ein dag?
– Det er vel ikkje så mykje ein får gjort på ein dag?!
– Kva kulturoppleving hugsar du best?
– Besøk til Urnes Stavkirke som ungdom.
– Kva har du på nattbordet?
– Mobilen.
– Kva nettstadar er du innom i løpet av ein dag?
– Pent.no, dagbladet, fjt og facebook.
– Kva er meininga med livet?
– Å leve i augneblinken og sette pris på dei små tinga. Prøve i alle fall. Det er ikkje alltid like enkelt i ein hektisk kvardag. Meininga må vere å trivast i sitt eige liv uansett kva val ein tek.