Det meldast om mykje regn i vårt område den komande veka.
I dag er vet venta skiftande skydekke og enkelte regnbyer. Vinden kan kome opp i sørvest liten kuling på kysten og stiv kuling ved Stad. Vinden skal minke frå i ettermiddag.
Tysdag melder Yr om at det ut over dagen blir regn. Frå ettermiddagen kan det kome lokalt mykje nedbør. Vinden aukar opp i sterk kuling på kysten og i fjellet. Frå kvelden av dreiar vinden til sørvest, og det er venta full storm ved Stad.
Det same vêret held fram onsdag. Dagen startar med regn, som seinare går over til regnbyer, som skal avta mot kvelden. Men det er også meldt om lokalt mykje nedbør. Vinden kjem framleis frå sørvestleg retning, og det er meldt om kuling i fjellet og på kysten.