Det er to bygg som er i ferd med å kome opp på tomta i Breivika rett utanfor båtmoloen ved sentrum i Svelgen. Løvfald seier planen i utgangs- punktet er å leige ut leilegheitene, men at han også er open for sal dersom nokon ynskjer å kjøpe.
Samla bygda til ny revysuksess
– Vi har erfart at marknaden er der. Vi har hatt førespurnader om å kjøpe. Dei siste åra har det også vore god marknad for utleige i Svelgen. Det har vore og er stor aktivitet i samband med linjebygging, steinbrotet Bremanger Quarry og planane til Steinvik Fiskefarm. Og aktiviteten ved Elkem er stabil, seier Løvfald om bakgrunnen for satsinga.
Kostnad kring ti mill.
Løvfald starta verksemd i 1991. I byrjinga var det Esso-stasjon, sidan er det blitt alt frå eigedomar til, kro, pub, snøbrøyting, hytteutleige og dekkhandel. Eigedomsportefølgjen inneheld også 12 hyblar på Naustneset, eit bygg i sentrum som er utleigd til ambulansetenesta og Ferstad installasjon, samt to store hytter der den eine blir utleigd. I samband med satsinga i Breivika har han med seg to kompanjongar - Roy Os og Kurt Svarstad.
Ifølgje Løvfald har byggjeprosjektet eit budsjett på kring ti millionar kroner, utan at han vil talfeste nøyaktig.
Leilegheitene blir 55 kvadratmeter store. Det blir tre i kvart av bygga, med 180 kvadratmeter næringslokale under.
– Det blir ikkje noko skille nede. Planen er at det skal kunne leigast av kven som helst som treng garasje- eller lagerplass. Vi har sett at her er eit behov også for denne type lokale i Svelgen. Mellom anna treng vi ein del slik plass sjølv, til dømes til lagring av dekk.
Skal vere ferdig i juni
Arbeidet med tomta byrja allereie for eit par år sidan. 20.000 kubikkmeter stein er køyrt bort. Som Fjordenes Tidende har omtalt før, er noko av massane hamna som fyllmasse i hagen til Svelgen Hotell.
Elkem-ansatte får like moglegheiter til å utvikle seg
Sjølve bygginga starta midt i februar og målsettinga er å vere ferdig i juni.
Førde Sementvare har sett opp første etasjen.
– Resten av bygget skal vi setje opp sjølv. Vi er ein gjeng med seks mann inkludert meg sjølv som jobbar med bygginga, forklarer Løvfald.