Korleis denne retten kom til verda, veit eg ikkje, men den er kjempegod! Svele med pudding er heilt vanleg i Stryn der eg kjem ifrå.
Dette treng du til tynnsvelene:
2 egg
2,5 ss sukker
Litt salt
1 liter lettmjølk
5–6 dl mjøl
Slik lagar du tynnsvelene:
Når du lagar tynnsvelene, blandar du alt oppi ein bolle og sper med mjøl. Røra skal vere tynnare enn pannekakerøre. Du rører til det ikkje er meir klumpar. Får du ikkje ut alle klumpane av røra, silar du røra og lar den stå og svelle i 20 minutt. Når svelene har svella, er dei klare til å steikast. Du steiker dei på steikepanne.
Dette treng du til puddingen:
1 liter lett- mjølk
110 gram semulegryn
60 gram sukker
25 gram margarin
1/3 ts. salt
1 ts. vaniljesukker
1 egg
1 neve med rosiner
Slik lagar du puddingen
Kok opp mjølk, sukker, margarin, vaniljesukker og salt. Dryss i gryna og kok i 20 minutt, ta panna av omnen og rør inn eitt og eitt egg. Ha deretter i litt rosiner.
Når du har gjort alt det, kjøler du puddingen til den stivnar og då er den klar til bruk. Når du skal servere, så legg ei stripe med pudding på svela og rull den saman!