Ei sentral kjelde i Arbeidarpartiet i Vågsøy, som Fjordenes Tidende har vore i kontakt med, bekreftar utmeldingane.
– Er det skulesaka som er bakgrunn for desse utmeldingane?
– Det er i større grad misnøye med interne prosessar som har gått føre seg i partiet over lengre tid, seier kjelda.
– Vi har hatt ei utmelding. Det skjedde i går kveld. Det er det eg veit. Eg syns det veldig dumt å av Fjordenes Tidende å skrive dette utan å kontakte leiar i Vågsøy Arbeidarparti, seier Tove Lill Refvik Volle, leiar i Vågsøy Arbeidarparti.
Tok skulesaka tilbake til utvalet
I vedtaket heiter det at:
«1. Bryggja skule og Holvik skule vert lagt ned frå hausten 2018, og elevane vert flytta til henholdsvis Skavøypoll og Skram skule.
Legg ned to skular
3. Forskrift om krinsgrenser må endrast og handsamast i tråd med reglane i forvaltningsloven.»
Det har i etterkant av avgjerda blitt peika på at Arbeidarpartiet med dette vedtaket bryt samarbeidsavtala med Sp, Frp, TVL og Rødt, som sikra partiet ordføraren etter valet i 2015.
Vågsøy-ordførar Krstin Maurstad (Ap) har fleire gongar forsvart denne avgjerda.
– Arbeidarpartiet meinte at vi skulle klare å ha økonomi til å halde oppe fem skular. Det lét seg ikkje gjennomføre. Det var vi tydelege på i fjor, då avtalen vart broten. Det er viktig å sjå på andre sektorar, som også var ein del av avtalen og vårt program, seier Maurstad.