Vi likar svelene tjukke, luftige og store. Slik blir dei om du lagar dei etter denne oppskrifta. Ein porsjon held til 20-30 sveler, avhengig av storleiken.
Til sveler treng du:
320 g sukker
5 egg
10 dl kefir (surmjølk)
10 dl kveitemjøl
3 ts natron
75 g smør
Slik lagar du sveler:
Pisk egg og sukker til luftig eggedosis.
Rør natron ut i kefiren, og bland dette saman med eggedosisen.
Sikt kveitemjølet i eggedosisen under røring, og tilsett deretter smøret.
La røra kvile i cirka ti minutt før du steikjer svelene på takke eller i ei steikepanne.