– Vanylven kommune ynskjer å satse på elevar som etter 10. trinn vel Herøy vidaregåande skule, avd. Vanylven. Vi set difor i gong eit forsøksprosjekt for skuleåret 2018-2019, heiter det i vedtaket frå kommunestyret.
Frå hausten vil dei som vel Herøy vidaregåande si avdeling i Syvde få 4.000 kroner til jul om dei fullfører på linene teknikk og industriell produksjon, helse- og omsorgsfag og studiespesialisering.
Til våren får elevane ytterlegare 6.000 kroner. Dei er også garantert sommarjobb når vg 1 er fullført.
Diskuterer framtida til den vidaregåande skulen
– Vi ønskjer at ungdomane skal skjønne kor viktige dei er for kommunen vår. Dei som er ungdomane våre i dag er dei som kan bli våre framtidige innbyggjarar. Det er ein stor verdi for oss om dei vel å bli her. Kostnaden er større om dei reiser vekk, seier Vanylven-ordførar Lena Landsverk Sande (V).
Vil ikkje la grensa styre val av skule
– Det er eit skjebneår for skulen. I år har vi det lågaste elevtalet som har gått ut av grunnskulen nokon gong. Dette er ei ordning vi har kome på sjølv, og det er mange gode grunnar for oss å prøve dette, og så må vi evaluere korleis det går. Men vi håpar folk ser at vi vil satse på ungdomane vår, seier Landsverk Sande.
Andrea fekk Jobbsjansen ho håpa på
– Det er ikkje lett å skaffe jobb til alle, men vi skal klare det. Dei kjem først i køen, slår ordføraren fast.