– To av sjåførane som fekk gebyr for manglande bruk av bilbelte, meinte det var unødvendig å bruke bilbelte i tettbygd strøk. Dette viser mangel på kunnskap om konsekvensar dersom ein får ein bråstopp i tettbygd strøk, skriv Statens vegvesen, i ein kommentar til kontrollane og held fram:
– Å kollidere i 50 kilometer i timen utan bilbelte svarar til eit fall på om lag ti meter. Så vi oppmodar alle om alltid å bruke bilbelte.
Vegvesenet hadde laurdag kontrollar av lette køyretøy og bilbeltebruk i Deknepollen, på Bryggja og Nordfjordeid. Delar av kontrollane skjedde i samarbeid med politiet i Vågsøy. 339 køyretøy vart kontrollerte.
Seks av desse fekk bruksforbod eller vart avskilta.
I tillegg vart det i kontrollane i Vågsøy og Eid delt ut fire bilbeltegebyr, eitt vognkortgebyr og to dekkgebyr.