I drivhuset i hagen produserer nemleg Ossenkamp mikroalgar i firmaet «FjordAlg». Algane kan brukast til kosttilskot (spirulina), naturleg karoten, laksefôr og kosmetikk.

Ossenkamp har i samarbeid med Kinn Bryggeri produsert portnerøl med mikroalgar og hatt ein energidrikk på marknaden i fire månader. I følgje innovatøren sjølv vil bruken av algar redusere kunstige tilsetningar i til dømes laksefôr.

Ossenkamp planlegg no produksjon i storskala og har fått stønad både frå Innovasjon Norge, Bremanger kommune, Sparebanken Vest og Skatteforum. Rådmann Tom Joensen var ikkje sein med å så godt som love Ossenkamp areal til det 1.000 kvadratmeter store anlegget han har som mål.

– Eg ynskjer å bidra til ei grøn omstilling og håpar investorar vil komme på bana slik at vi kan få testa ut produktet på fisk, avsluttar Ossenkamp.