Produktet skal heite Folla, og målet er at maskina skal vere kommersielt tilgjengeleg til vintersesongen 2020, melder Firdaposten.
Marius Strømmen starta bedrifta i 2013, og orienterte torsdag formannskapet om framdrifta i selskapet. Bedrifta fekk i møtet også innvilga søknad om støtte på 50.000 kroner i bedriftsutviklingstilskot i samband med FoU-prosjektet Folla. Midlane kjem frå næringsfondet til kommunen.
Den første maskina vil vere klar til hausten, og utviklingsarbeidet går føre seg på Karmøy med medeigarar og utviklarar Oddbjørn Gudmundsen og Håvard Mo. Sjølve prosjektet får støtte frå Fiskeri- og Havbruksnæringens Forskingsfond (FHF).
