Norlandia Eiendom sel Best Western Måløy Hotel, melder Hotellmagasinet.
Porteføljen vert slanka og fleire hotell er no lagt ut for sal.
Ifølgje magasinet skal det vere strategiske grunnar som ligg bak avgjerda om å selje fleire hotel, deriblant Best Western Måløy Hotel.
– Vi ser at lokalt eigarskap med høve for «hands on»-fokus på utvikling og drift er nøkkelen til suksess på fleire destinasjonar, seier adm.dir Hilde Hammervold i Norlandia Eigendom til Hotellmagasinet.
Ifølgje magasinet ser Hammervold for seg at privatpersonar og mindre selskap kan kjøpe hotella.
– Nokon av hotella er også eigna for mogleg utvikling til andre føremål, som leilegheiter, eventuelt kombinert med næring, uttalar Hammervold til Hotellmagasinet.
Tidlegare i år fekk Selje Hotell nye eigarar.
